Информационное сообщение

Ас салам алейкум, багъалы аланла!

Бу сагъатда интернетде видеоролик джюрюйдю - бир адам аякълары бла тылы (болур) баса турады. Ол видеороликде бола тургъан иш бизни республикада болгъанына биз излеб хакъ шагъатлыкъ табмагъанбыз. Аланла, сиз биле эсегиз бу къайда бола тургъанын эмда ол айыблы ишни ким эте тургъанын - бизге билдирсегиз разы боллукъ эдик, анга кёре керекли джорукъ бла оноу этерча.

Ёмюрледен келеди мюрзеуню сёзсюз сыйлыгъы хар миллетде да, алай а, толу хапарлы болмагъанлай, бизни сюймегенлеге кесибизни юсдюрмейик - провокация тузакъгъа атдырмайыкъ. Ол адам къайсы миллетден болгъанын ачыкълатыб джазмагъыз комментарийледе: законну джорукъларын бузмагъыз - кесигизге аман болмазча.

Къайтарыб айтырыбыз: бу видеороликден толу хапарлы болгъан - бизге билдиригиз.
Къуру да рахатлыкъ, мамырлыкъ, берекетлик таймай джашасын Къарачайда эм Малкъарда!

Аланла, сакъ болайыкъ, дженгиллик этиб кесибизни провокация тузакъгъа атдырмайыкъ!

Ас салам алейкум уа РахматуЛлахи уа баракятух!

Пресс-служба КЧ РОО "Конгресс карачаевского народа"