14
октябрь
2024
100 джыл "Къарачай" газетге!
Бу джыл бизни алан миллетибизде сыйы болгъан «Къарачай» газетге 100 джыл толады! Газета «Къарачай»
Бир ёмюр бек кёб заманды къайсы бир газетге да. Къарачайны кесини биринчи басма изданиеси андан эртдерек чыкъгъанды, алимлерибиз ачыкълагъаннга кёре, араб харифле бла джазылгъан газет 1919-чу джыл басмадан чыгъыб тургъанды. Алай болса да, Совет власть орун алгъандан сора газетни чыгъыб башлагъанындан санайбыз да, ол 1924-чю джылны аууз-герги (октябрь) айыны 19-ду.
1924-чю джыл бизни къарт аталарыбыз-аналарыбыз ана тилибизде кърал дараджада чыгъарылгъан газетни къолларына алгъандыла. Саулай ёмюрню газетибиз алан миллетибиз бла бирге къууанганды, ай медет, джарсыуун да кёргенди, къара сагъышланы чачаргъа кюрешиб – миллетибизни тарихинде, адабиятында, маданиятында энчи уллу орун алыб.
Алан миллетибизни насыбы эмда кючю – бирликде. Алайды да, газетни джюзджыллыгъы кёбюсюне байрам болду: Маджар къралдан тюрк миллетни илму тинтген алимлери келиб да алгъышладыла, Къарачай миллет кёбчюлюк болуб джашагъан районлада газетни алгъышлау джыйылыула этдиле. Кёб белгили адамла эмда организацияла алгъышлагъандыла. Къуру да алгъышлы болсун бизни багъалы газетибиз сыйлы Ана тилибизге дараджа болуб тургъан саулай ёмюрню!
«Халкъ сау болуб «Къарачайгъа» ёлюм джокъду» деб айтыучандыла газетни къуллукъчулары .
Ёмюрледен бери да Къарачайны ашхы шартларыны бири – бирикмекликди, бир-бирине дагъан бола билиудю, «адам къатында адам ёлмейди» деген нарт сёзге керти болуб, кимге да болушургъа хазырлыгъыды. Биз «Къарачай» газетге болушургъа излей эсек, аланла, газетибизге тири джазылыргъа керекбиз! Аны бла къалмайын газетни соцсети (сайт https://gazeta-karachai.ru/ ВКонтакте Газета «Къарачай» , Телеграм t.me/karachaynews) страницаларына джазылыргъа да керекбиз.
Баш редакторну борчларын толтургъан Къоркъмазланы Салиманы эмда саулай хурметли коллективни алгъышлайбыз таза алгьышлайбыз! «Къарачай» газетибиз кесини фахмулу джазыучулары бла, сейир материаллары бла хаманда биринчи орунну алыб республиканы медиа джашаунда, алан миллетибизни башын ёргеде тутады, мындан ары да аллай боллугъуна ышанабыз! Мындан ары да сизге не джаны бла да джангы джетишимле теджейбиз, тутхан ишигизден бет джарыкълы болугъуз, сизни окъучуларыгъыз болуб – биз сизге ыразыбыз!
Председатель ОД "Конгресс карачаевского народа" Къады-хаджи Халкечев
Председатель Совета старейшин ОД "Конгресс карачаевского народа" Бийберт-хаджи Джуккаев
Председатель Совета ОД "Конгресс карачаевского народа" Алибек Салпагаров
Бир ёмюр бек кёб заманды къайсы бир газетге да. Къарачайны кесини биринчи басма изданиеси андан эртдерек чыкъгъанды, алимлерибиз ачыкълагъаннга кёре, араб харифле бла джазылгъан газет 1919-чу джыл басмадан чыгъыб тургъанды. Алай болса да, Совет власть орун алгъандан сора газетни чыгъыб башлагъанындан санайбыз да, ол 1924-чю джылны аууз-герги (октябрь) айыны 19-ду.
1924-чю джыл бизни къарт аталарыбыз-аналарыбыз ана тилибизде кърал дараджада чыгъарылгъан газетни къолларына алгъандыла. Саулай ёмюрню газетибиз алан миллетибиз бла бирге къууанганды, ай медет, джарсыуун да кёргенди, къара сагъышланы чачаргъа кюрешиб – миллетибизни тарихинде, адабиятында, маданиятында энчи уллу орун алыб.
Алан миллетибизни насыбы эмда кючю – бирликде. Алайды да, газетни джюзджыллыгъы кёбюсюне байрам болду: Маджар къралдан тюрк миллетни илму тинтген алимлери келиб да алгъышладыла, Къарачай миллет кёбчюлюк болуб джашагъан районлада газетни алгъышлау джыйылыула этдиле. Кёб белгили адамла эмда организацияла алгъышлагъандыла. Къуру да алгъышлы болсун бизни багъалы газетибиз сыйлы Ана тилибизге дараджа болуб тургъан саулай ёмюрню!
«Халкъ сау болуб «Къарачайгъа» ёлюм джокъду» деб айтыучандыла газетни къуллукъчулары .
Ёмюрледен бери да Къарачайны ашхы шартларыны бири – бирикмекликди, бир-бирине дагъан бола билиудю, «адам къатында адам ёлмейди» деген нарт сёзге керти болуб, кимге да болушургъа хазырлыгъыды. Биз «Къарачай» газетге болушургъа излей эсек, аланла, газетибизге тири джазылыргъа керекбиз! Аны бла къалмайын газетни соцсети (сайт https://gazeta-karachai.ru/ ВКонтакте Газета «Къарачай» , Телеграм t.me/karachaynews) страницаларына джазылыргъа да керекбиз.
Баш редакторну борчларын толтургъан Къоркъмазланы Салиманы эмда саулай хурметли коллективни алгъышлайбыз таза алгьышлайбыз! «Къарачай» газетибиз кесини фахмулу джазыучулары бла, сейир материаллары бла хаманда биринчи орунну алыб республиканы медиа джашаунда, алан миллетибизни башын ёргеде тутады, мындан ары да аллай боллугъуна ышанабыз! Мындан ары да сизге не джаны бла да джангы джетишимле теджейбиз, тутхан ишигизден бет джарыкълы болугъуз, сизни окъучуларыгъыз болуб – биз сизге ыразыбыз!
Председатель ОД "Конгресс карачаевского народа" Къады-хаджи Халкечев
Председатель Совета старейшин ОД "Конгресс карачаевского народа" Бийберт-хаджи Джуккаев
Председатель Совета ОД "Конгресс карачаевского народа" Алибек Салпагаров
