www.kkn09.ru
Контакты:
kongress-kn@bk.ru
» » Перепись населения-2021
14
октябрь
2021
0

Перепись населения-2021

Багъалы алан миллетим!

Октябрь айны он бешинчисинде къралда миллетлени санау башланды – перепись населения.

Миллетибиз республикабызда эм уллу миллетди - аны ючюн, национальный паритетге кёре, кърал орунлада бизни адамларыбыз кёб болургъа керекдиле. Саныбызгъа кёре бериледиле кърал орунла. Аджашыб бир адамыбыз да башха миллетге джазылыб къалмасын – переписчик келсе кескин джууабла беригиз биз юретгенча, переписной листни да кесигиз кескин тинтигиз

Бу перепись бизни кесибизге керекди, киши бизни миллетибизге джан аурутуб тинтиб тюзлюкню излеб айланныкъ тюлдю, аджашдырыб терс джол бла ийген болмаса… Сакъ болайыкъ!

Къралда бу сагъатда алан миллет деб джокъду, биз бу перепись да алан деб джазылсакъ миллетибизни саны аз кёрюннюкдю, биз алай бла кесибизге аман этерикбиз.
Алан деб джазылгъан перепись бла тыныб бегиниб къалмайды, ол Эресейни Конституциясына кёре референдум бла этилирге керек затды, бу сагъатда кесибизге къаршчы болуб къалмайыкъ.

Кесигиз да аджашмазгъа кюрешигиз, башхаланы да терс джол бла ийиб къоймагъыз, айтылгъаныча соруугъа "Къарачайлыма" деб кескин джууаб беригиз.

Миллетибизни, терен сагъыш этиб, хар джанынданда джакъларгъа кюрешейик, кесибиз кесибизге заран келтирмейик.
Алан деб джазылыргъа энтда заман келир Аллах Буюрса!

Уллу Аллах бла Сакъланайыкъ!

Председатель ОД "Конгресс карачаевского народа" Халкёч улу Наныкишини джашы Къады-хаджи

© 2017-2020 - WWW.KKN09.RU
369000, Карачаево-Черкесская Республика, г.Черкесск

© 2017-2020 - создание и поддержка TeberD!n! DES!NG
Яндекс.Метрика